اسلام آباد( نیوز ڈیسک )پیر کے روز ملک کے بیشترعلاقوں میں موسم سرد اور خشک جبکہ پہاڑی علاقوں میں شدید سرد رہنےکا امکان ۔تاہم گلگت بلتستان ، کشمیر اورملحقہ پہا ڑی علا قوں میں مطلع جزوی ابرآلود رہنے کے علاوہ چند مقامات پر ہلکی بارش /ہلکی برفباری ہو سکتی ہے۔ پنجاب کے چند میدانی علا قوں اور بالائی سندھ میں درمیانی سے شدید دُھند چھائے رہنے کی توقع۔
منگل کے روز ملک کے بیشترعلاقوں میں موسم سرد اور خشک جبکہ پہاڑی علاقوں میں صبح/رات کے اوقات میں شدید سرد رہنےکا امکان ۔ پنجاب کے چند میدانی علا قوں اور بالائی سندھ میں صبح/رات کے اوقات میں درمیانی سے شدید دُھند چھائے رہنے کی توقع۔
گذشتہ 24 گھنٹے کا موسم بالائی خیبر پختونخوا، گلگت بلتستان، شمال مشرقی پنجاب اور کشمیر میں چند مقامات پر بارش اور پہاڑوں پر برفباری ہو ئی۔ ملک کے دیگر علاقوں میں موسم سرد اور خشک جبکہ پہاڑی علاقوں میں شدید سرد رہا۔ پنجاب کے بیشتر اضلاع اور بالائی سندھ میں درمیانی سے شدید دُھند چھائی رہی۔
سب سے زیادہ بارش(ملی میٹر): خیبرپختونخوا: مالم جبہ 22 ، میرکھانی 16، دروش 14، دیر 10، کاکول 09 ،چترال07 ، پٹن، بالاکوٹ 06،سیدو شریف 05، گلگت بلتستان : استور 10، پنجاب: ،نارووال 08، سیالکوٹ (ایئر پورٹ 03، سٹی 01)، مری 01، کشمیر : گڑھی دوپٹہ 11، مظفر آباد (سٹی08، ایئر پورٹ 10) ، راولاکوٹ میں 02 ملی میٹر بارش ریکارڈ ہوئی۔ برفباری(انچ ):مالم جبہ 9.5، کالام 6.2،چترال 5.1،دروش 02 ، میرکھانی 1.5 اور مری میں 0.5 انچ برفباری ریکارڈ ہوئی۔
آج ریکارڈکئے گئے کم سےکم درجہ حرارت: قلات منفی 10،زیارت منفی09،گوپس، کوئٹہ منفی 07،لہہ منفی 05 اوراستور میں منفی 04ڈگری سینٹی گریڈ ریکارڈ کیا گیا۔
مزید پڑھیں: ملک کے معروف نیوز کے نشریاتی ادارے کے اینکر پرسن کے بھائی سے لاکھوں روپے مالیت کی غیر ملکی شراب برآمد،ملی بھگت سے ملزم کو چھوڑ دیا گیا
