ممبئی ( نیوز ڈیسک )ایشین کرکٹ کونسل نے کہا ہے کہ بھارت اگلے سال ایشیا کپ کی میزبانی کرے گا۔ایشیا کپ مینز، ویمنز، انڈر 19 اور ایمرجنگ ٹورنامنٹ کے میزبانوں کا اعلان کر دیا گیا ہے۔
ایشین کرکٹ کونسل نے کہا کہ مین ایشیا کپ 2025 کا اگلا ایڈیشن ٹی ٹوئنٹی فارمیٹ میں ہوگا جس میں ہندوستان مجوزہ میزبان ملک ہوگا۔2027 کا مین ایشیا کپ بنگلہ دیش میں کھیلے جانے کی تجویز ہے جو ون ڈے فارمیٹ میں کھیلا جائے گا۔
ایشین کرکٹ کونسل کا کہنا ہے کہ 2026 ویمنز ایشیا کپ ٹی 20 فارمیٹ کی پیروی کرنے والا ہے اور 2024 سے 2027 تک انڈر 19 ایشیا کپ کے چاروں ایڈیشن ون ڈے فارمیٹ میں ہوں گے۔ایشیا کپ کے شیڈول اور مقامات ابھی فائنل نہیں ہوئے، ایشیا کپ کے تمام ٹورنامنٹ کسی بھی وقت میزبان یا شیڈول میں تبدیلی سے مشروط ہیں۔
مزید پڑھیں: حکومت چیف جسٹس کو نشانہ بنانے والوں کے خلاف کارروائی کریگی، وزیر دفاع
