اسلام آباد ( اے بی این نیوز   )دریائے کابل میںنوشہرہ کے مقام پر پانی کا اخراج تیز ہونے سے نشیبی علاقوں میں سیلاب کا خدشہ ہے. جبکہ 48سے72 گھنٹوں کے دوران ملک بھر میں گرج چمک کے ساتھ تیز سے موسلادھار بارش جاری رہنے کا امکان ہے. خیبرپختونخوا ،گلگت بلتستان اور آزاد جموں کشمیر میں لینڈ سلائیڈنگ، فلیش فلڈنگ اور موسمی نالوں طغیانی کا خدشہ برقرار رہے گا.
جنوبی پنجاب کے علاقےڈیرہ غازی خان اور راجن پور، بلوچستان میںمکران اور ڈیرہ بگٹی کے پہاڑی علاقوں میں ہل ٹورنٹ متوقع ہے. اسی طرح بلوچستان کے اضلاع لورالائی، قلات، نصیرآباد، سبی اور مکران میں فلیش فلڈنگ کا خدشہ ہے. اسی طرح دریاؤں میں تیز بہاؤ اور نشیبی علاقوں میں اربن فلڈنگ کا خطرہ ہے. ممکنہ خطرات کے تدارک کیلئے عوام کی پیشگی اطلاع وحفاظتی تدابیر کی تشہیر کی جائے. حساس علاقوں کیجانب ٹریفک کی منظم نگرانی کی جائے. کسی بھی قسم کی ہنگامی صورتحال سے نمٹنے کیلئے مشینری تیار رکھیں۔نشیبی علاقوں میں رہائش پذیر لوگ کہ نقل مکانی کیلئے انتظامات کیے جائیں۔