کیف ( اے بی این نیوز   )یوکرینی حکام کی جانب سے دعویٰ کیا گیا ہے کہ روسی حملوں کے دوران مزید تین یوکرینی شہری ہلاک اور 38 افراد شدید زخمی ہوئے ہیں۔کیف میں حکومت نے کہا کہ روسی افواج نے جزوی طور پر مقبوضہ مشرقی ڈونیٹسک کے علاقے میں روس کے زیر کنٹرول 13 شہروں اور دیہاتوں کو فضائی حملوں، میزائلوں اور بھاری توپ خانے سے نشانہ بنایا۔دوسری طرف یوکرینی حکام نے کہا کہ ان کے فضائی دفاع نے روس کی طرف سے فائر کیے گئے ایرانی ساختہ 20 ڈرونز کو مار گرایا جنہوں نے کیف کے علاقے کو نشانہ بنایا۔ ڈرون کا ملبہ جمعرات کے اوائل میں دارالحکومت کے چار اضلاع پر گرا، جس میں دو افراد کو چھریوں کے زخموں کے ساتھ اسپتال میں داخل کیا گیا اور کئی گھر تباہ ہوگئے۔