غزہ (نیوزڈیسک)غزہ کے مختلف علاقوں میں اسرائیلی بربریت جارحیت اور بمباری جاری،مزید 250 فلسطینی شہید ہوگئے۔ عالمی میڈیا رپورٹس کے مطابق گزشتہ 24 گھنٹوں میں اسرائیلی جارحیت سے سڑکیں تباہ،ایمبولینسوں کو زخمیوں تک پہنچنے میں شدید دشواری کا سامنا کرنا پڑ رہا ہے۔ اسرائیلی فوج نے مغازی مہاجرین کیمپ پر بمباری کردی جس میں 70 فلسطینی شہید ہوگئے جبکہ گزشتہ 24 گھنٹے میں اسرائیلی بمباری سے کل 250 فلسطینی شہید ہوئے۔فلسطینی وزارت صحت کا کہنا ہے کہ اب تک اسرائیلی بمباری سے شہید فلسطینیوں کی تعداد 20 ہزار 674 ہوگئی جبکہ 54 ہزار 536 فلسطینی زخمی ہیں۔فلسطینی مزاحمت کاروں نے میجر سمیت کئی اسرائیلی فوجیوں کو واصل جہنم کردیااور درجنوں اسرائیلی فوجی گاڑیاں تباہ کردیں،7 اکتوبرسے اب تک غزہ جنگ میں 489 اسرائیلی فوجی ہلاک ہوچکے ہیں۔رپورٹس کے مطابق مغربی کنارے میں اسرائیلی فوج کے چھاپے میں 35 فلسطینیوں کو گرفتار کرلیا گیا۔ادھر اسرائیلی وزیراعظم نے ایک بار پھر غزہ جنگ طویل عرصے جاری رکھنے کی دھمکی دی ہے جبکہ حماس نے عالمی فوجداری عدالت سے صیہونی جنگی جرائم کے احتساب کا مطالبہ کیا ہے۔رپورٹس کے مطابق مقبوضہ فلسطین کی مزاحمتی تنظیموں حماس اور اسلامی جہاد نے جنگ بندی کیلئے غزہ سے دستبردار ہونے کی مصر تجویز مسترد کردی۔