غزہ (نیوزڈیسک)اسرائیل نے غزہ میں زمینی کارروائیوں کے دوران اپنے مزید 13 فوجیوں کی ہلاکت کی تصدیق کر دی ۔آئی ڈی ایف نے حماس اور دیگر مزاحمتی تنظیموں سے لڑائی کے دوران ہلاک ہونے والے اپنے 8 فوجی اہلکاروں کے نام بھی شائع کردیئے جن میں سے 4 کا تعلق سیونتھ آرمرڈ بریگیڈ سے ہے جو جنوبی غزہ میں لڑائی کے دوران مارے گئے۔آئی ڈی ایف کے مطابق 5 فوجی شدید زخمی بھی ہوئے جبکہ صیہونی فوج نے گزشتہ روز مارے گئے 5 فوجی اہلکاروں کی شناخت بھی ظاہرکردی۔ تل ابیب میں ہزاروں افراد نے نیتن یاہو حکومتی پالیسیوں کے خلاف مظاہرہ ، غزہ میں جنگ بندی اور حماس کی قید میں موجود یرغمالیوں کی رہائی کیلئے فوری معاہدہ کرنے کا مطالبہ کیا۔اسرائیلی میڈیا کے مطابق زمینی کارروائیوں کے دوران اب تک 152 اسرائیلی فوجی ہلاک اور درجنوں زخمی ہو چکے ہیں جبکہ حماس کی جانب سے جنگ کے دوران سینکڑوں اسرائیلی فوجی گاڑیوں کو تباہ کرنے کا دعویٰ بھی سامنے آیا۔دوسری جانب اسرائیل فورسز کی غزہ میں کارروائیوں کے دوران اب تک 20 ہزار سے زائد فلسیطنی شہید اور 52 ہزار سے زائد زخمی ہو چکے ہیں۔
