لاہور(نیوزڈیسک)پاکستان مسلم لیگ (ن) اور استحکام پاکستان پارٹی (آئی پی پی) کے درمیان تا حال انتخابی اتحاد میں پیش رفت نہیں ہو سکی، دونوں جماعتوں کی کمیٹیوں کے درمیان مذاکرات جاری ہیں۔ذرائع کے مطابق استحکام پاکستان پارٹی نے 26 ایم این اے اور 50 ایم پی اے کی سیٹوں کا مطالبہ کردیا، جبکہ ن لیگ اپنی قیادت کی سیٹ پر کسی کو ایڈجسٹ کرنے کو تیار نہیں، ن لیگ کی پارلیمانی بورڈ کے اجلاس میں بھی آئی پی پی سے اتحاد کا سوال اٹھایا گیا۔ذرائع کے مطابق علیم خان سے این اے 117 پر ن لیگ انتخابی اتحاد کر سکتی ہے، عون چوہدری کے لیے این اے 127 زیر غور لایا جا سکتا ہے۔جہانگیر ترین کیلئے لودھراں سے ن لیگ انتخابی اتحاد کر سکتی ہے، جبکہ ایم کیو ایم شہباز شریف کو کراچی سے این اے 242 دینے کو تیار نہیں ۔