ماسکو(نیوزڈیسک)روس کے مختلف حصوں میں برفانی طوفان کے باعث شدید برف باری ہوئی ہے۔ ماسکو میں 24 گھنٹوں کے دوران ریکارڈ برف پڑی۔غیرملکی خبررساں ادارے کے مطابق برف سے ڈھکی سڑکیں سفید قالین کا منظر پیش کرنے لگیں، روس کے بعض علاقوں میں اسکول بند کر دیے گئے۔ برفانی طوفان 60 سالوں میں ماسکو سے ٹکرانے والا سب سے طاقتور طوفان ہو سکتا ہے۔روس کے دارالحکومت ماسکو میں شدید برف باری کے باعث ٹریفک کا نظام بھی درہم برہم ہوگیا۔ سڑک پر ڈرائیورز کو مشکلات کا سامنا کرنا پڑا۔