ریاض(نیوزڈیسک) سعودی عرب کا جنگی طیارہ تربیتی پرواز کے دوران گر کر تباہ، طیارے میں سوار 2 پائلٹ بھی جاں بحق ہوگئے۔سرکاری خبر رساں ایجنسی کیمطابق مملکت کی وزارت دفاع کے ترجمان بریگیڈیئر جنرل ترکی المالکی نے ایک بیان میں طیارہ حادثےکی تصدیق کی۔بریگیڈیئر جنرل ترکی المالکی کے مطابق جمعرات 7 دسمبر کی دوپہر مشرقی علاقے کے شاہ عبدالعزیز ظہران ائیربیس سے معمول کی تربیتی پرواز کے دوران ایف 15 ایس ای طیارے کو حادثہ پیش آیا۔ترجمان کے مطابق حادثے کے باعث طیارے میں سوار دونوں پائلٹ جاں بحق ہوگئے۔سعودی وزارت دفاع کا کہنا ہےکہ حادثے کی وجوہات جاننے کیلئے تحقیقاتی ٹیم تشکیل دیدی گئی ہے۔