دبئی (نیوزڈیسک)برطانیہ کے شاہ چارلس سوئم نے کہا ہے کہ پاکستان نے موسمیاتی تبدیلیوں کے خطرناک نتائج بھگتے، سیلاب کے باعث پاکستان کو شدید نقصانات اٹھانا پڑے۔موسمیاتی تبدیلیوں کے باعث بنگلادیش اور دیگر ترقی پذیر ملکوں کوبھی بدترین سیلاب کا سامنا کرنا پڑا، غیرملکی خبررساں ادارے کے مطابق جمعہ کو متحدہ عرب امارات میں موسمیاتی تبدیلیوں کے نقصانات کے ازالے کے لیے ہونے والی کوپ 28 کانفرنس سے خطاب کرتے ہوئے برطانیہ کے شاہ چارلس سوئم نے کہاکہ موسمیاتی تبدیلی آنے والی نسلوں کیلئے ایک خطرناک مسئلہ ہے، پیرس معاہدے میں دنیا نے ایک بڑے مسئلے پر غور کیا۔انہوں نے کہاکہ مستقبل میں زیرو کاربن پالیسی اپنانا ہو گی اور دنیا کو گرین ٹیکنالوجی کی طرف منتقل ہونا ہو گا،شاہ چارلس کا کہنا تھا کہ ماحولیاتی آلودگی کم کرنے کیلئے کئی ارب ڈالرز درکار ہیں۔
