نیویارک(نیوزڈیسک) امریکا اور کینیڈا کو ملانے والے نیاگرا فالز پر بنے ایک پُل پر سے گزرتے ہوئے گاڑی میں دھماکہ ہوگیا، گاڑی میں سوار دو افراد موقع پر ہی ہلاک ہوگئے۔عالمی میڈیا رپورٹس کے مطابق چیک پوائنٹ پر ایک گاڑی میں دھماکا ہوا جس کے بعد امریکا اور کینیڈا کے درمیان چار سرحدی گزرگاہیں بند کر دی گئی ہیں۔ گاڑی کے اندر موجود دو افراد اس دھماکے میں ہلاک ہو گئے جو دریائے نیاگرا کے اس پار جانے والے رینبو بریج کے امریکی سائیڈ پر ہوا۔اے پی کے مطابق مغربی نیویارک اور اونٹاریو کے درمیان رینبو بریج کے علاوہ تین دیگر پلوں کو بھی احتیاط کے طور پر فوری طور پر بند کر دیا گیا اور بفیلو نیاگرا انٹرنیشنل ایئرپورٹ نے تمام گاڑیوں کی سیکیورٹی چیکنگ شروع کردی ، مسافروں سے کہا کہ وہ اضافی اسکریننگ کی توقع رکھیں۔امریکی فیڈرل بیورو آف انویسٹی گیشن (ایف بی آئی) کے فیلڈ آفس دی بفیلو، نیویارک نے کہا کہ وہ تمام قانون نافذ کرنے والے اداروں کے ساتھ ہم آہنگی کے ساتھ واقعے کی تحقیقات کررہا ہے۔ ابھی تام دھماکے کی وجہ سامنے نہیں آسکی ہیں۔
