راولپنڈی(نیوز ڈیسک) سیکیورٹی فورسز کے ڈیرہ اسماعیل خان اور جنوبی وزیرستان میں دو مختلف آپریشنز،3 دہشتگرد ہلاک۔ آئی ایس پی آر کے مطابق ڈیرہ اسماعیل خان اور جنوبی وزیرستان آپریشنز میں سیکیورٹی فورسز سے شدید فائرنگ کے تبادلے ہوا جس کے نتیجے میں 3 دہشتگرد ہلاک ہو گئے ۔ ڈیرہ اسماعیل خان کے علاقے کلاچی میں دہشتگردوں کی موجودگی کی خفیہ اطلاعات پر آپریشن کیا گیا، آپریشن کے دوران شدید جھڑپ میں 2 دہشتگرد مارے گئے،جنوبی وزیرستان کے علاقے کوٹ اعظم میں کی گئی ایک الگ کارروائی میں ایک دہشتگرد ہلاک ہوا، ہلاک ہونے والے تینوں دہشت گردوں سے اسلحہ اور گولہ بارود بھی برآمد ہوا،ہلاک دہشتگرد سیکورٹی فورسز، معصوم شہریوں کے خلاف متعدد کارروائیوں میں ملوث تھے، آئی ایس پی آر کی طرف سے مزید کہنا تھا کہ شمالی وزیرستان کے علاقے غاریوم میں دیسی ساختہ بارودی سرنگ کا دھماکہ ہوا۔دھماکے میں پاک فوج کے سپاہی شاہ زیب جام شہادت نوش کر گئے ۔سپاہی شاہ زیب شہید کی عمر 26 سال تعلق راولپنڈی سے تھا ۔
