انقرہ(نیوزڈیسک)اسرائیل کی جانب سے گزشتہ دنوں غزہ کےہسپتال پر بمباری کے نتیجے میں شہید ہونے والی فلسطینی بچی حیا کی دلخراش وصیت سامنے آگئی۔اسرائیلی حملے میں کئی بچے بھی شہید ہوئے جن میں ایک بچی حیا بھی شامل تھی۔ شہیدبچی کی وصیت سوشل میڈیا پر وائرل ۔شہید بچی نے سادہ کاغذ پر لکھاکہ میری پاکٹ منی سے45 شیکل میری ماں کو دیئے جائیں، 5 شیکل میرے بھائی ہاشم اور5 بہن ذینہ کو دیئے جائیں، 5 شیکل دادی اور 5 پھوپھی کو دیئے جائیں۔شہید حیا نے وصیت کی کہ 5 شیکل خالہ اور5 خالو کو دیئے جائیں۔شہید حیا نے مزید لکھاکہ میرے کھلونے میری بہن اورسہیلیوں کو دیےجائیں، میرے کپڑے پھپھی زادبہنوں کو دیئے جائیں۔شہید فلسطینی بچی نے وصیت میں کہا کہ میرے جوتے غریب بچوں کو ملیں، جوتوں کو صاف ضرور کیا جائے۔