سٹی آف وکٹوریہ(نیوزڈیسک) ہانگ کانگ کے وزیر صحت نے شہریوں سے اپیل کی کہ تمباکو سے پاک ملک کیلئے تمباکو نوشی کے خلاف نفرت کا اظہار کریں اور تمباکو نوش افراد سے لاتعلقی کا اظہار کریں۔عالمی میڈیا رپورٹس کے مطابق پروفیسر لو چنگ ماؤ نے کہا کہ جو لوگ سگریٹ پی رہے ہیں اگر ہر کوئی انہیں گھورنا شروع کردے تو وہ خود بخود بھاگ جائیں گے اور بالآخر وہ پبلک مقامات پر سگریٹ پینا چھوڑ دیں گے۔پروفیسر لو نے ہیلتھ سروس پینل کے اجلاس سے خطاب کرتے ہوئے کہا کہ سگریٹ ہم سب کی صحت کو نقصان پہنچاتی ہے۔ ممنوعہ علاقوں میں سگریٹ پینے والے افراد کو لوگ دیکھیں ۔جب تک کوئی سیکورٹی اہلکار فوری طور پر وہاں نہ پہنچے۔انہوں نے مزید کہا کہ جب کوئی ریستوران میں سگریٹ نکالتا ہے تو احاطے میں موجود ہر شخص اس شخص کو گھورے تو سگریٹ نوشی کا معاملہ حل ہوسکتا ہے ۔ مجھے یقین ہے کہ وہ شخص ریستوراں میں موجود ہر ایک کو جوابی وار کرنے کی ہمت نہیں کرے گا کیونکہ وہ صرف گھور رہے ہیں۔کہ اس طرز عمل سے شہر میں غیر تمباکو نوشی کی ثقافت کو فروغ ملے گا۔
