اسلام آباد( نیوز ڈیسک )وفاقی وزیر برائے اطلاعات ونشریات مریم اورنگزیب نے نئے سال پرمبارکباد دیتے ہوئے کہا ہے کہ 2023 خوشی، ترقی اور خوشحالی کی نوید بہار ہو،نوجوانوں کو خوابوں کی منزل ملے اور ٹوٹے دل جڑ جائیں۔اتوار کو اپنے ٹویٹ میں وفاقی وزیر برائے اطلاعات ونشریات مریم اورنگزیب نے کہا کہ نیا سال مبارک ہو، خدا کرے 2023 مسائل کی ستائی انسانیت کے زخموں پر مرہم ثابت ہو،مہنگائی، دہشت گردی، ظلم وناانصافی، جھوٹ اور نفرت سے نجات ہو۔ وفاقی وزیر اطلاعات نے کہا کہ خوشی، ترقی اور خوشحالی کی نوید بہار ہو،نوجوانوں کو خوابوں کی منزل ملے، ٹوٹے دل جڑ جائیں،بیمار صحت پائیں، بدامنی ختم اور امن کا فروغ ہو۔ آمین
![](https://abnnews.pk/wp-content/uploads/2024/09/parlilment-371x212.jpg)