لاہور(نیوزڈیسک)لاہور سے کروڑوں مالیتی 18 لاکھ مفت آٹے کے تھیلے غائب کردیا۔ انتظامیہ اور ریونیو افسران و ملازمین نے غائب ہونے والے آٹے کی برآمدگی کیلئے سر جوڑ لیے۔ لاہور میں مفت آٹا اسکیم کی مد میں 100 سے زائد آٹے کے ٹرک غائب کرگئے۔ آٹے کی قیمت تقریباً 13 کروڑ روپے تخمینہ لگایا گیا۔ تحصیل سٹی سے84آٹے کے ٹرک کہاں غائب ہوئے تاحال معلوم نہ ہوسکا۔ جبکہ دیگر 4 تحصیلوں میں 18 ٹرکوں کے تھیلے غائب کئے جانے کا انکشاف ہوا۔مجموعی طور پر 18 لاکھ مفت آٹے کے تھیلے غائب ہیں۔ ۔شناختی کارڈز دیکھ کر دیئے جانیوالے آٹے کے تھیلوں میں واضح فرق سے آٹے کے غائب ہونے کا انکشاف ہوا ۔ ڈیٹا انٹریز میں آٹے کی تقسیم میں واضح فرق سامنے آتے ہی ضلعی انتظامیہ میں ہلچل مچ گئی ، آٹا فلور ملز سے جاری ہوا، پٹواریوں نے تصدیق کی لیکن اس کے بعدآٹا کہاں گیا تاحال کچھ معلوم نہیں ہو سکا۔ ڈپٹی کمشنر لاہور رافعہ حیدر نے معاملے کی چھان بین کیلئے ایڈیشنل کمشنر ریونیو ، ایڈیشنل کمشنر جنرل ذیشان رانجھا پر مشتمل انکوائری کمیٹی تشکیل ددیدی۔ ڈپٹی کمشنر کا کہنا تھا کہ مفت اسکیم کا آٹا غائب ہونے میں کوئی ملوث ہوا سخت کارروائی عمل میں لائی جائے گی ۔ قصور، شیخوپورہ اور ننکانہ صاحب میں بھی مفت آٹے کے تھیلے غائب ہونے کی شکایات بھی موصول ہوئی ہیں صرف قصور میں 2 لاکھ سے زائد آٹے کے تھیلوں کی تلاش جاری ۔ کمشنر لاہور محمد علی رندھاوا نے تمام ڈی سی اوز سے آٹے کا ریکارڈ طلب کرلیا ۔