لاہور (نیوزڈیسک)پاکستان تحریک انصاف کے رہنما فواد چوہدری نے سپریم کورٹ سے پنجاب اور خیبر پختونخوا کی نگراں کابینہ کو فوری کام سے روکنے کا مطالبہ کرتے ہوئے کہاہے کہ آئین صرف عوام کے منتخب نمائندوں کی حکومت کو مانتا ہے۔بدھ کو اپنے ٹوئٹر پیغام میں فواد چوہدری نے کہا کہ 90 دن سے زیادہ نگراں حکومتیں آئین کے بنیادی اصول کے خلاف ہیں۔انہوں نے کہا کہ سپریم کورٹ پنجاب اور خیبر پختونخوا کے نگراں وزرائے اعلیٰ اور کابینہ کو فوری طور پر کام کرنے سے روکے۔فوادچودھری نے مزید کہا کہ انتخابات تک معاملات چلانے کیلئے ایڈمنسٹریٹر مقرر کیے جائیں۔انہں نے یہ بھی کہا کہ آئین صرف عوام کے منتخب نمائندوں کی حکومت کو مانتا ہے۔