لاہور(نیوزڈیسک)نگران وزیر اعلیٰ پنجاب محسن نقوی نے مسلم لیگ (ق )کے سربراہ چوہدری شجاعت سے گھر جاکر سالک حسین اور شافع کی خیریت دریافت کی اور پولیس ایکشن پر معذرت بھی کی ہے ۔نگران وزیراعلیٰ پنجاب عمرے کی سعادت حاصل کرنے کے بعد لاہور واپس پہنچ گئے اور واپس آتے ہی انہوں نے سب سے پہلے (ق )لیگ کے سربراہ چوہدری شجاعت حسین کے گھر پہنچ کر چودھری سالک اور شافع حسین کی خیریت دریافت کی،محسن نقوی نے چوہدری شجاعت کے گھر پولیس ایکشن اور اس کارروائی میں شافع اور سالک حسین کے زخمی ہونے کے افسوسناک واقعہ پر افسوس کا اظہار بھی کیا،نگراں وزیراعلیٰ پنجاب نے سالک حسین اور شافع حسین سے افسوسناک واقعہ کے بارے میں پوچھا اور کہا کہ چوہدری شجاعت حسین کی رہائش گاہ پر پیش آنے والے افسوسناک واقعہ پر معذرت چاہتا ہوں۔ان کا کہنا تھا کہ دوران عمرہ اطلاع ملتے ہی فوری تفصیلات حاصل کیں اورانکوائری کا حکم دیا، تحقیقات میں ذمہ داروںکا تعین کر کے کارروائی کی جائے گی۔انہوں نے کہاکہ پرویزالٰہی کے کارکنوں نے پولیس اہلکاروں پر پیٹرول بم پھینکے اور پتھراؤ کیا، قانون سب کے لیے برابر ہے، کسی کو پولیس پر حملے اور قانون ہاتھ میں لینے کی اجازت نہیں دینگے۔مسلم لیگ (ق )کے سربراہ چوہدری شجاعت حسین نے رہائش گاہ آمد پر محسن نقوی کا شکریہ ادا کیا۔
https://youtu.be/6wJ7uWIYveE
