لاہور (اے بی این نیوز) پاکستان تحریک انصاف (پی ٹی آئی) کے مرکزی رہنما اسد قیصر نے کہا ہے پی ٹی آئی کی 8 فروری کو پہیہ جام، شٹرڈاؤن ہڑتال کیلئے تیاریاں جاری ہیں۔

ٹی وی پروگرام میں گفتگو کر تے ہوئے اسد قیصر کا کہنا تھا کہ 8 فروری کوعوام سے ووٹ چھینا گیا یہ سب سے بڑا چیلنج ہے، 1973 کے آئین کی اصل شکل میں بحالی اورعوام کے ووٹ کا حق تسلیم کیا جائے۔

اسد قیصر نے کہا کہ تحریک انصاف 8 فروری کو یوم سیاہ منائے گی، تاجر برادری سے 8 فروری کو شٹر ڈاؤن کی اپیل کرینگے، دیکھتے ہیں اب حکومت مذاکرات میں کتنی سنجیدہ ہے۔

انہوں نے کہا مذاکرات کی کوئی ٹائم لائن نہیں ہے، یہ تاثرغلط ہے ہم بات نہیں کرنا چاہتے، ہم کوئی شرائط نہیں رکھ رہے صرف اپنا ایجنڈا پیش کیا ہے۔

مزید پڑھیں۔لیگی رہنما حسن علی کھوکھر پیپلزپارٹی میں شامل