اسلام آباد(اے بی این نیوز)محکمہ موسمیات نے آئندہ 24 گھنٹے کے موسم کے حوالے سے ایڈوائزری جاری کردی۔

موسم کا احوال بتانے والوں کا کہنا ہے کہ مغربی ہواؤں کا سلسلہ ملک کے وسطی اور بالائی حصوں پر اثر انداز ہو رہا ہے، خوشاب، سرگودھا، لیہ، پشاور، جہلم، بھمبر، میر پور، پونچھ میں مطلع ابر آلود اور بارش کا سلسلہ جاری ہے۔

محکمہ موسمیات کے مطابق بالائی خیبر پختونخوا ، گلگت بلتستان، مری اور گلیات میں بھی بارش کا سلسلہ جاری ہے، اگلے 5 سے 7 گھنٹوں کے دوران وفاقی دارالحکومت اسلام آباد سمیت خطہ پوٹھوہار، چترال، دیر، شانگلہ اور ایبٹ آباد سمیت مختلف علاقوں میں بارش جاری رہے گی۔

موسم کا احوال بتانے والوں کے مطابق پہاڑوں پر برفباری کا امکان ہے، بارش اور برفباری کے باعث سڑکوں کی بندش اور پھسلن کا خدشہ ہے، سیاح غیر ضروری سفر سے گریز کریں۔

مزید پڑھیں۔مسلم لیگ ن کے رکن پنجاب اسمبلی عرفان شفیع کھوکھر انتقال کرگئے