غزہ(اے بی این نیوز)اسرائیل کی غزہ میں جنگ بندی کی خلاف ورزیاں نہ تھم سکیں۔ غزہ کے ساتھ ساتھ مغربی کنارے میں بھی اسرائیلی فوج اور غیر قانونی یہودی آبادکاروں کی کارروائیاں جاری ہیں۔
یہودی آبادکاروں نے مغربی کنارے کے شمالی علاقے میں واقع گاؤں دیر استیا میں مسجد پر حملہ کردیا ، مسجد میں توڑ پھوڑ کی اور آگ لگا دی۔ دیواروں پر نسل پرستانہ جملے لکھے۔
ادھر اسرائیلی فوج نے غزہ میں آج بھی 3 مختلف مقامات پر حملےکیے، خان یونس میں رہائشی علاقوں کو نشانہ بنایا گیا۔
سعودی عرب نے اسرائیلی فوج اور یہودی آبادکاروں کے حملوں کی شدید الفاظ میں مذمت کی۔ فلسطینی حکام نے مسجد پر حملے کو نفرت پر مبنی جرم قرار دیتے ہوئے بین الاقوامی برادری سے فوری ایکشن لینے کی اپیل کی۔
مزید پڑھیں۔حیدرآباد: پٹاخوں کی فیکٹری میں دھماکہ، 6 افراد جاں بحق، 6 زخمی
