اسلام آباد(اے بی این نیوز)انتباہ: آندھی/جھکڑ چلنےاورگرج چمک کے باعث روزمرہ کے معمولات متاثر ہونے ، کمزور انفرا سٹرکچر ( کچے گھر/دیواریں ،بجلی کے کھمبے،بل بورڈز،گاڑیوں سولر پینل وغیرہ)کو نقصان کا اندیشہ۔

مسافروں اور سیاح حضرات سفر کے دوران محتاط رہیں اور موسمی حالات کے مطابق اپنے سفر کا انتظام کریں ۔

منگل کے روز ملک کے بیشتر علاقوں میں موسم خشک رہنے کا امکان۔ تاہم بالائی خیبرپختونخوا، شمال مشرقی پنجاب ، خطہ پوٹھوہار ،کشمیر اورگلگت بلتستان میں چند مقامات پرتیز ہواؤں/آندھی اور گرج چمک کے ساتھ بارش کا امکان۔ اس دوران شمال مشرقی پنجاب، کشمیر اور ملحقہ پہاڑی علاقوں مین بعض مقامات پر تیز بارش ہو سکتی ہے۔

بدھ کے روز ملک کے بیشتر علاقوں میں موسم خشک اور گرم رہنے کا امکان۔ تاہم بالائی خیبرپختونخوا، شمال مشرقی پنجاب ، خطہ پوٹھوہار ،کشمیر اورگلگت بلتستان میں چند مقامات پرتیز ہواؤں/آندھی اور گرج چمک کے ساتھ بارش کا امکان۔ اس دوران شمال مشرقی پنجاب، کشمیر اور ملحقہ پہاڑی علاقوں مین بعض مقامات پر تیز بارش بھی ہو سکتی ہے۔

گذشتہ 24 گھنٹے کا موسم ملک کے بیشتر علاقوں میں موسم گرم اور خشک جبکہ ساحلی علاقوں میں موسم جزوی طور پر ابر آلود رہا۔ تاہم بالائی خیبر پختونخوا، کشمیر اور ملحقہ پہاڑی علاقوں میں چند مقامات پر تیز ہواؤں/آندھی اورگرج چمک کے ساتھ بارش ہوئی۔اس دوران کراچی میں بونداباندی ہوئی۔

سب سے زیادہ بارش : خیبرپختونخوا: میر کھانی 63، دیر 24، پٹن 15، دیر( لوئر ) 06، کالام اور بالاکوٹ 03، کاکول 02، چترال 01، پنجاب: مری 11، کشمیر: مظفرآباد (سٹی 09، ایئرپورٹ 08)، راولاکوٹ 07، گڑھی دوپٹہ 03اورکوٹلیکوٹلی02، سندھ: کراچی میں 01 ملی میٹر ریکارڈ کی گئی۔

آج ریکارڈ کئے گئے زیادہ سےزیادہ درجہ حرارت : تربت 42، دالبندین، نوکنڈی، سبی میں 41ڈگری سینٹی گریڈ ریکارڈ کیا گیا ۔
منگل (رات) : اسلام آباد اور گردونواح میں مطلع جزوی ابرآلود رہنے کے علاوہ تیز ہواؤں اور گرج چمک کے ساتھ بارش کا امکان ۔

بدھ کے روز : اسلام آباد اور گردونواح میں مطلع جزوی ابرآلود رہنے کے علاوہ صبح/رات کے اوقات میں چند مقامات پر تیز ہواؤں اور گرج چمک کے ساتھ بارش کا امکان ۔
مزید پڑھیں :ایشیا کپ،تنازع حل،پاکستان کی فتح ، مطالبہ تسلیم