اسلام آباد(اے بی این نیوز)16 ستمبر سے ملک میں پیٹرولیم مصنوعات کی قیمتوں میں اضافے کا امکان ہے۔تفصیلات کے مطابق انڈسٹری کی 15روز کیلئے پیٹرولیم مصنوعات کی قیمتوں بڑھانے کی تجویز سامنے آئی ہے۔

جہاں پیٹرول کی قیمت میں 1.54 روپے فی لیٹر اضافہ کرنیکی تجویز دی گئی ہے،ہائی اسپیڈ ڈیزل 4 روپے 79 پیسےفی لیٹرمہنگا کرنے کی تجویز سامنے آئی ہے۔انڈسٹری ذرائع کےمطابق 15 روز کیلئے مٹی کا تیل 3 روپے 6 پیسے مہنگا ہونےکا امکان ہے،جبکہ لائٹ ڈیزل آئل 3 روپے 68 پیسے فی لیٹر مہنگا کرنے کی تجویز دی گئی ہے۔

ذرائع کاکہنا ہےکہ ورکنگ پیپرمیں حکومتی ٹیکسز اورایکسچینج لاسز شامل نہیں ہیں،اوگرا نئی قیمتوں کے تعین کی سمری 15 ستمبر کوحکومت کو بھجوائے گی،15روز کیلئے نئی پٹرولیم قیمتوں کی حتمی منظوری وزیراعظم دینگے،وزیراعظم کی منظوری کے بعد وزارت خزانہ نوٹیفیکیشن جاری کرے گی۔اس وقت ملک میں پیٹرول کی موجودہ قیمت 264.61 جبکہ ڈیزل کی موجودہ قیمت 269.99 ہے۔
مزید پڑھیں: سلامتی کونسل میں پاکستان ،اسرائیل کے درمیان جھڑپ