لاہور (اے بی این نیوز)قومی ٹیم کے سابق ہیڈ کوچ مکی آرتھر نے محمد رضوان اور بابر اعظم کو ٹی ٹوئنٹی کے لیے نااہل قرار دے دیا۔

نجی ٹی وی کے پروگرام سپورٹس روم میں گفتگو کرتے ہوئے انہوں نے کہا کہ بابر اور رضوان ٹی ٹوئنٹی کرکٹ کے لیے موزوں نہیں ہیں۔

مکی آرتھر نے کہا کہ دونوں اچھے کھلاڑی ہیں لیکن کرکٹ بدل چکی ہے، جس طرح کی کرکٹ کھیلنا چاہتے ہیں، انہیں ایسے کھلاڑیوں کی ضرورت ہے جو گراؤنڈ پر ان کے پلان پر عمل کر سکیں۔

انہوں نے کہا کہ پاکستانی ٹیم کے موجودہ کوچ مائیک ہیسن کی تعریف کرتے ہوئے کہا کہ ہیسن اور سلمان علی آغا اپنے پلان کے مطابق کرکٹ کھیلنا چاہتے تھے۔

مکی آرتھر نے کہا کہ ہمارے دور میں پاکستان نمبر ون ٹیم بنی، جس کے لیے میں نے اور سرفراز احمد نے منصوبہ بندی کی تھی۔

پاکستان کے سابق کپتان اور ریکارڈ ساز بلے باز بابر اعظم اور محمد رضوان کو آئندہ ماہ یو اے ای میں ہونے والے ایشیا کپ کے لیے قومی اسکواڈ سے ڈراپ کر دیا گیا ہے جس پر مختلف حلقوں نے حیرت کا اظہار کیا ہے اور سلیکشن کمیٹی کے اس فیصلے پر تنقید کی ہے۔ اب پاکستان ٹیم کے سابق کپتان اور بولر راشد لطیف بھی اس معاملے پر بول پڑے ہیں۔

عرب ٹی وی کو انٹرویو دیتے ہوئے راشد لطیف نے بابر اعظم اور محمد رضوان کو ٹیم سے باہر کرنے کو اندرونی سیاست کا نتیجہ قرار دیتے ہوئے کہا کہ ان دونوں کی حالیہ کارکردگی میں کمی ضرور آئی ہے تاہم انہیں نہ صرف کرکٹ بلکہ سیاسی وجوہات کی بنا پر ایشیا کپ کے اسکواڈ سے ڈراپ کیا گیا ہے۔

مکی آرتھر نے کہا کہ پاکستان اس وقت آئی سی سی ٹی ٹوئنٹی رینکنگ میں آٹھویں نمبر پر ہے۔ ایسے وقت میں بابراعظم اور رضوان جیسے کھلاڑیوں کو نظر انداز کرنا سمجھ سے باہر ہے کیونکہ ہمارے پاس ڈان بریڈمین جیسا بلے باز نہیں ہے۔

راشد لطیف نے ایک بار پھر اپنے موقف کو دہراتے ہوئے کہا کہ پی سی بی میں جاری لڑائی جھگڑے اور اندرونی سیاست نے ملک کے دو بہترین کھلاڑیوں کو ذہنی طور پر نقصان پہنچایا ہے جس سے ان کی کارکردگی کا گراف بھی نیچے آیا ہے۔
مزید پڑھیں:بھارتی آبی جارحیت !دریائے چناب، ستلج اور راوی کو طغیانی کا سامنا ہے،الرٹ جاری