اسلام آباد(اے بی این نیوز) انتباہ: آج (رات) سے 20 اپریل کے دوران آندھی/جھکڑ / ژالہ باری/گرج چمک اور تیز/ موسلادھار بار ش کے باعث کمزور انفرا سٹرکچر ( بجلی کے کھمبے، درخت ، گاڑیوں، سولر پینل وغیرہ)کو نقصان کا خطرہ۔
ہفتہ کے روز کشمیر ،گلگت بلتستان ، بالائی خیبرپختونخوا میں آندھی /جھکڑ چلنےاور گرج چمک کے ساتھ بارش کا امکان۔ جبکہ بعض مقامات پر تیز/ موسلادھار بارش /ژالہ باری کی توقع۔اس دوران خطہ پوٹھو ہار میں بھی چند مقامات پر آندھی /جھکڑ چلنےاور گرج چمک کے ساتھ بارش ہو سکتی ہے۔ ملک کے دیگر علاقوں میں موسم گرم اور خشک رہنے کا امکان۔
اتوار کے روز کشمیر ،گلگت بلتستان، بالائی خیبرپختونخوا اورخطہ پوٹھو ہار میں آندھی /جھکڑ چلنےاور گرج چمک کے ساتھ بارش کا امکان۔ جبکہ کشمیر ،گلگت بلتستان اور بالائی خیبرپختونخوا میں بعض مقامات پر تیز/ موسلادھار بارش /ژالہ باری کی توقع۔ ملک کے دیگر علاقوں میں موسم گرم اور خشک رہنے کا امکان۔
گذشتہ 24 گھنٹے کا موسم ملک کے بیشتر علاقوں میں موسم گرم اور خشک جبکہ جنوبی علاقوں میں شدید گرم رہا۔ بالائی خیبرپختونخوا ،شمال/مشرقی پنجاب ،کشمیراور گلگت بلتستان میں آندھی اور گرج چمک کے ساتھ بارش ہوئی۔
سب سے زیادہ بارش (ملی میٹر): خیبرپختونخوا: پٹن 36، کاکول 33، مردان 22، بالاکوٹ 21، مالم جبہ، کالام 11، سیدو شریف 09، دیر (اپر)، دروش 06، پشاور سٹی، چیراٹ، پشاور ایئرپورٹ 04، چترال 03، کشمیر: گڑھی دوپٹہ 2، مظفرآباد (ائیر پورٹ 25، سٹی 18)، راولاکوٹ 11، کوٹلی 08، گلگت بلتستان: سکردو 41، استور 36، چلاس 24، بگروٹ 14، بونجی 12، گلگت 10، گوپس 05، پنجاب: مری 17، راولپنڈی (چکلالہ 11، شمس آباد 07، کچہری 06)، اسلام آباد، اسلام آباد، 11/07 گولڑہ 09، بوکرا 07)، منگلا 07، اٹک 06، جہلم 05، سیالکوٹ سٹی میں 01 ملی میٹر ریکارڈ کی گئی۔
آج ریکارڈ کئے گئے زیادہ سےزیادہ درجہ حرارت : جیکب آباد 45، بہاولنگر، دادو،پڈ عیدین، موہنجو دڑواور میٹھی میں 43ڈگری سینٹی گریڈ ریکارڈ کیا گیا۔
ہفتہ (رات) : اسلام آباد اور گردونواح میں مطلع ابرآلود رہنے کے علاوہ آندھی چلنےاور گرج چمک کے ساتھ بارش کا امکان ۔
اتوار کے روز : اسلام آباد اور گردونواح میں مطلع جزوی ابرآلود رہنے کے علاوہ آندھی چلنےاور گرج چمک کے ساتھ بارش ہو سکتی ہے۔
مزید پڑھیں: پی ایس ایل ،پشاور زلمی نے ملتان سلطانز کو 120رنز سے شکست دیدی
