ممبئی ( اے بی این نیوز ) ویرات کوہلی نے کن شرائط پر ٹی ٹوئنٹی انٹرنیشنل میں واپسی کا اعلان کیا؟ بھارتی کرکٹ ٹیم کے سابق کپتان ویرات کوہلی نے ٹی ٹوئنٹی انٹرنیشنل میں واپسی کے لیے مشروط آمادگی ظاہر کر دی ہے۔
ایک انٹرویو میں ویرات کوہلی نے کہا کہ اگر بھارت 2028 کے لاس اینجلس اولمپکس کے فائنل میں پہنچ جاتا ہے اور ہم گولڈ میڈل کے لیے کھیل رہے ہیں تو میں ایک میچ کے لیے ریٹائرمنٹ سے واپس آ سکتا ہوں، میری خواہش ہے کہ تمغہ جیتوں اور پھر وطن واپس چلا جاؤں۔
خیال رہے کہ ویرات کوہلی نے جون 2024 میں ٹی ٹوئنٹی ورلڈ کپ میں بھارت کی فتح کے بعد اس فارمیٹ سے ریٹائرمنٹ کا اعلان کیا تھا، دوسری جانب کرکٹ کو 128 سال بعد اولمپکس میں شامل کیا جا رہا ہے۔ 2028 میں لاس اینجلس میں ہونے والے اولمپکس میں کرکٹ کو شامل کیا جا رہا ہے۔
36 سالہ کوہلی نے آئی سی سی چیمپئنز ٹرافی میں شاندار کارکردگی کا مظاہرہ کرتے ہوئے 5 میچوں میں 54.50 کی اوسط سے 218 رنز بنائے جس میں پاکستان کے خلاف ان کی سنچری بھی شامل تھی
مزید پڑھیں :پٹرولیم مصنوعات کے حوالے سے عوام کیلئے پریشان کن خبر،حکومت نے لیوی بم پھاڑ دیا
