اسلام آباد (اے بی این نیوز ) وزیرِاعظم کے مشیر برائے سیاسی و عوامی امور رانا ثناءاللہ خان کی امریکی سفارتخانے کے پولیٹیکل کاؤنسلر زیک ہارکنرائیڈر سے ملاقات۔ دونوں رہنماؤں کے درمیان دوطرفہ تعاون پر تبادلہ خیال کیا۔ رانا ثناءاللہ نے کہا کہ
امریکہ تاریخی طور پر پاکستان کا اسٹریٹجک پارٹنر رہا ہے۔ پاکستانی حکومت اور سیکیورٹی اداروں کے لیے انتہائی مطلوب دہشت گرد کی گرفتاری باعث فخر لمحہ ہے۔ دہشت گردی کے خلاف جنگ میں پاکستان کی قربانیاں قابلِ تحسین ہیں۔
پاکستان کے سیکیورٹی اہلکاروں اور عوام کی قربانیوں کو کبھی رائیگاں نہیں جانے دیں گے۔ پاکستان خطے سے دہشت گردی کے خاتمے کے لیے ہمیشہ امریکا سے تعاون کے لیے تیار ہے۔
اب پاکستان کی معیشت اور خارجہ تعلقات مستحکم ہو رہے ہیں۔ پاکستان امریکہ کے ساتھ عوامی روابط پر مبنی خوشگوار تعلقات چاہتا ہے۔
مزید پڑھیں :وزیر اعظم کے معاونین خصوصی کو محکمے تفویض کر دیئے گئے،کابینہ ڈویژن کی جانب سے نوٹیفکیشن جاری
