لاہور ( اے بی این نیوز)نیوزی لینڈ نے چیمپئنز ٹرافی کے فائنل میں رسائی حاصل کر لی۔ سیمی فائنل میں نیوزی لینڈ نے جنوبی افریقہ کو 50 رنز سے شکست دے دی۔ جنوبی افریقہ 362 رنز کے تعاقب میں 9 وکٹوں کے نقصان پر 312 رنز بنا سکی۔
ڈیوڈ ملر نے 100 رنز کی ناٹ آؤٹ اننگز کھیلی۔
رسی وین ڈیر ڈوسن 69،ٹمبا باوما نے 56 رنز بنائے۔ ایڈن مارکرم 31،ریان رکلٹن 17،ربادا 16،ویان مولڈر 8 رنز بنا سکے۔ مچل سینٹنر نے 3 کھلاڑیوں کو پویلین کی راہ دکھائی۔
میٹ ہینری اور گلین فلپس نے 2،2 وکٹیں حاصل کیں۔ لاہور کے قذافی اسٹیڈیم میں کھیلےگئے میچ میں نیوزی لینڈ نے جنوبی افریقا کے خلاف ٹاس جیت کر پہلے بیٹنگ کا فیصلہ کیا۔نیوزی لینڈ نے پہلے کھیلتے ہوئے 6 وکٹوں کے نقصان پر 362 رنز بنائے، جواب میں جنوبی افریقا کی ٹیم 50 اوورز میں 9 وکٹوں کے نقصان پر 312 رنز بناسکی۔

اس سے قبل نیوزی لینڈ کی جانب سے راچن رویندرا اور کین ولیمسن نے شاندار سنچریاں بنائیں، دونوں نے دوسری وکٹ پر 164 رنز کی شراکت بنائی۔
رویندرا نے 108 رنز بنائے اور ان کی اننگز میں ایک چھکا اور تیرہ چوکے شامل ہیں۔ کین ولیمسن نے بھی 2 چھکوں اور 10 چوکوں کی مددسے 102رنزکی اننگزکھیلی، آخر میں ڈیرل مچل اور گلین فلپس نے بھی ہاتھ دکھائے ، ڈیرل مچل 49رنزبناکرآؤٹ ہوئے اور فلپس 49 رنز بنا کر ناقابل شکست رہے۔

کیوی ٹیم نے مقررہ 50 اوورزمیں 6 وکٹوں کے نقصان پر 362 رنزبنائے۔363 رنز کے جواب میں جنوبی افریقا کی ٹیم 9 وکٹوں کے نقصان پر312 رنز بناسکی۔
واضح رہے کہ بھارت آسٹریلیا کو پہلے سیمی فائنل میں شکست دے کر پہلے ہی ٹورنامنٹ کے فائنل کے لیے کوالیفائی کرچکا ہے،چیمپئنز ٹرافی کا فائنل اتوار 9 مارچ کو نیوزی لینڈ اور بھارت کے درمیان دبئی میں کھیلا جائےگا۔
مزید پڑھیں :علی امین گنڈاپوردیکھیں کیا سیف سٹی کےکیمرےلگادیےگئے؟عطاتارڑ