اسلام آباد (  اے بی این نیوز   )وزیراعلیٰ خیبر پختونخوا نے بنوں امن جرگہ کے تمام مطالبات تسلیم کر لیے۔ مطالبات اپیکس کمیٹی کے سامنے رکھے جائیں گے۔
اپیکس کمیٹی اجلاس میں بنوں واقعہ سے متعلق کمیشن بنانے کے طریقہ کارپرغور ہوگا،سرکاری ذرائع کے مطابق
وزیر اعلیٰ نے امن جرگہ کو بتایا کہ آپریشن عزم استحکام سے متعلق آئی ایس پی آر نے واضح کر دیا ہے کہ یہ آپریشن نہیں بلکہ حکمت عملی ہے۔ انہوں نے کہا کہ سرچ آپریشن پولیس اور سی ٹی ڈی کرے گی.
ضرورت پڑنے پر سیکیورٹی فورسز کی مدد لی جائے گی۔ غیرسرکاری مسلح افراد کے خلاف پولیس کارروائی کرے گی۔ علاقے میں پولیس ہی گشت کرے گی جس کو مزید بڑھایا جائے گا۔ بنوں میں پولیس اور سی ٹی ڈی کی استعداد کار مزید بڑھا رہے ہیں۔
پولیس میں بھرتیاں اور مزید گاڑیاں دے رہے ہیں۔

مزید پڑھیں :9اپریل کی رات عدالت کھولنے کی وجہ یہ تھی کہ مارشل لاء باتیں کی جارہی تھیں،جسٹس اطہر من اللہ