تامل ناڈو(نیوز ڈیسک )بھارتی ریاست تامل ناڈو میں زہریلی شراب پینے سے کم از کم 29 افراد ہلاک اور درجنوں کی حالت بگڑ گئی۔
بھارتی میڈیا رپورٹس کے مطابق تامل ناڈو کے ضلع کالاکوریچی میں زہریلی شراب پینے سے 68 افراد کو اسپتال منتقل کیا گیا جن میں سے 24 افراد کی حالت بگڑنے کے باعث دیگر اسپتالوں میں منتقل کر دیا گیا۔
میڈیا رپورٹس کے مطابق زہریلی شراب سے متاثر ہونے والے زیادہ تر افراد کا تعلق کرونا پورم کے علاقے سے تھا، جن میں سے ایک نے لڑکے کی ماں کو بتایا کہ اس کے بیٹے کو پیٹ میں درد ہے اور اس کی آنکھیں نہیں کھل رہی ہیں۔
اسپتال نے اسے یہ کہتے ہوئے داخل کرنے سے انکار کردیا کہ اس نے شراب پی تھی اور حکومت کو تمام شراب کی دکانیں بند کردینی چاہئیں۔
ایک اور متاثرہ لڑکے کی ماں نے بتایا کہ اس کے بیٹے کے پیٹ میں اتنا شدید درد تھا کہ وہ نہ سن سکتا تھا اور نہ ہی دیکھ سکتا تھا۔پولیس نے زہریلی شراب فروخت کرنے کے الزام میں تین افراد کو حراست میں لے کر معاملے کی تفتیش شروع کر دی ہے۔
اس کے ساتھ ہی متعلقہ محکمے کے تین اہلکاروں کو بھی معطل کر دیا گیا ہے۔تمل ناڈو کے وزیر اعلیٰ ایم کے اسٹالن نے زہریلی شراب پینے سے ہونے والی اموات پر گہرے دکھ کا اظہار کیا اور کہا کہ ملزمان کو گرفتار کر کے متعلقہ اہلکاروں کے خلاف کارروائی کی گئی ہے، اور اب ایسے غیر قانونی کاروباروں کے خلاف کریک ڈاؤن کیا جائے گا۔
