راولپنڈی (نیوزڈیسک) پاکستان کرکٹ ٹیم کے سابق کپتان شاہد آفریدی اور دیگر نو افراد کے خلاف ہاؤسنگ سوسائٹی کے منصوبے میں مبینہ فراڈ پر مقدمہ درج کر لیا گیا۔

تفصیلات کے مطابق مقدمہ روات پولیس اسٹیشن میں عابد بن عبدالقدوس نامی ایک مبینہ متاثرہ شخص کی شکایت پر درج کیا گیا ہے۔

مقدمے میں نامزد دیگر ملزمان میں شیخ فواد بشیر، شہزاد کیانی، عمر بشیر، فاروق بشیر، کاشف، عثمان، ناصرہ بشیر، افتخار الیاس، حفیظ الرحمان اور ملک سہیل احمد شامل ہیں۔

مزیدپڑھیں:پاک فوج اور رائل سعودی فورسز کے مابین مشترکہ فوجی مشقیں

انہوں نے الزام لگایا کہ ملزمان نے الیکٹرانک، پرنٹ اور سوشل میڈیا پر اشتہارات چلائے جن میں شاہد آفریدی شامل تھے تاکہ عوام کو پروجیکٹ، AAA بزنس سینٹر میں سرمایہ کاری کرنے پر آمادہ کیا جا سکے۔

متاثرہ شہری نے بتایا کہ اس نے میزانائن فلور پر واقع دو دکانیں بک کرائیں، انہوں نے مزید کہا کہ اس نے اپنی کمپنی کے ذریعے ملزمان کو دکان نمبر 17 کے لیے 5.5 ملین روپے اور دکان نمبر 15 کے لیے 40 لاکھ روپے کی مکمل ادائیگی کی تھی۔

اب اس کے علم میں یہ بات آئی ہے کہ ملزمان نے جان بوجھ کر لوگوں کو بے وقوف بنا کر پیسے بٹورے، انہوں نے مزید کہا کہ اسے دئیے گئے اسٹامپ پیپر پچھلی تاریخوں میں جاری کیے گئے تھے۔ انہوں نے انکشاف کیا کہ کرایہ کا معاہدہ بھی ماضی کے اسٹامپ پیپر پر جاری کیا گیا تھا۔

انہوں نے ملزمان پر متعدد صارفین کو دکان الاٹ کرنے کا الزام لگایا ہے۔