نکوشیا(نیوزڈیسک)قبرص میں جعلی شادیاں کرنے والوں کے خلاف کارروائی کے دوران 15 افراد کو گرفتار کرلیا گیا۔ غیرملکی خبر ایجنسی کے مطابق 13 افراد کو قبرص، ایک کو پرتگال اور ایک کو لیٹویا سے گرفتار کیا گیا ۔ گرفتار افراد قبرص میں 133 جعلی شادیوں میں ملوث تھے۔ گرفتار افراد میں شامل خواتین کا تعلق پرتگال اور لیٹویا سے ہے۔ گرفتار مردوں کا تعلق بھارت، بنگلا دیش اور پاکستان سے ہے، جعلی شادیاں یورپی یونین کا رہائشی اجازت نامہ حاصل کرنے کیلیے کی گئی تھیں۔