لندن(نیوزڈیسک)برطانیہ کے شاہ چارلس سوم شیڈول سرجری کیلئے لندن کے اسپتال میں داخل ہوگئے۔ غیرملکی خبررساں ادارے کے مطابق بکھنگم پیلس نے بایاکہ شاہ چارلس نے نیک خواہشات کے پیغامات بھیجنے والوں کا شکریہ ادا کیا ہے۔ شاہ چارلس سوم کا علاج لندن کے ایک نجی اسپتال میں ہوگا۔ اسی نجی اسپتال میں گزشتہ ہفتے ان کی بہو اور ولی عہد شہزادہ ولیم کی اہلیہ پرنسز آف ویلز کی سرجری بھی ہوئی تھی۔ شاہ چارلس سوم کے ہمراہ کوئین کمیلا بھی اسپتال پہنچیں۔ شاہ چارلس کو اسپتال سے فارغ کئے جانے سے متعلق ابھی نہیں بتایا گیا۔