اسلام آباد ( اے بی این نیوز )نگران وزیراعظم انوارالحق کاکڑ نے کہا ہے کہ بائیسکللائنز کا منصوبہ اسلام آباد کیلئے ماحول دوست منصوبہ ہے،منصوبے کو ترجیحی بنیادوں پر مکمل کیا جائے، اسلام آباد ماسٹر پلان پر نظر ثانی وفاقی حکومت کی اولین ترجیحات میں سے ہے،نگران وزیراعظم کی زیر صدارت وفاقی ترقیاتی ادارے کے امور پر اجلاس منعقد ہوا جس میں وزیراعظم کو اسلام آباد میں بائیسکل لینز منصوبے اورشہرکے ماسٹر پلان کے حوالے سے بریفنگ دی گئی۔وزیر طاعظم نے کہا کہ اسلام آباد ماسٹر پلان کے جائزے کیلئے وفاقی کمیشن کی تشکیل جلد از جلد کی جائے ،اسلام آباد میں نئے رہائشی منصوبوں کیلئے عمودی تعمیرات کو ترجیح دی جائے، وزیراعظم کی متعلقہ حکام کو اسلام آباد میں پانی کی بلا تعطل فراہمی کیلئے موثر منصوبہ بندی کی ہدایت،اسلام آباد کے شہریوں کو پارکنگ کی سہولت فراہم کرنے کیلئے پارکنگ پلازے تعمیر کیے جائیں،وزیراعظم کی متعلقہ حکام کو شہر میں ٹریفک کے دباؤ میں کمی کیلئے موثر حکمت عملی تشکیل دینے کی ہدایت،بائیسکل لینز منصوبے میں 374 کلومیٹر لینز اور 150 پارکنگ سٹیشنز کی تعمیر شامل ہے۔
