ڈیووس(نیوزڈیسک) سعودی وزیرخارجہ شہزادہ فیصل بن فرحان نے ڈیووس میں ورلڈ اکنامک فورم کے پینل سے گفتگو کرتے ہوئے کہا کہ فلسطین کا مسئلہ حل ہوجائے تو سعودی عرب اسرائیل کو تسلیم کرسکتا ہے۔علاقائی امن فلسطینی ریاست کے قیام سے ہی ممکن ہے۔ فلسطینوں کو امن مل جائے تو اسرائیل کو تسلیم کرنے میں کوئی حرج نہیں۔سعودی عرب فلسطینی ریاست کے قیام کے ذریعے علاقائی امن کو یقینی بنانے کیلئے امریکہ کیساتھ مل کر کام کر رہا ہے ، غزہ کے تناظر میں زیادہ اہمہے۔سعودی وزیرخارجہ شہزادہ فیصل بن فرحان کا مزید کہنا تھا کہ غزہ اور بحیرہ احمر میں بڑھتی ہوئی کشیدگی کم کرنا ہماری اولین ترجیح ہے ۔ غزہ جنگ پورے خطے کیلئے خطرناک ثابت ہوسکتی ہے۔ غزہ میں فوری جنگ بندی کی جائے ۔ اسرائیل کی غزہ میں جنگ روکنے کے کوئی آثار نظر نہیں آتے۔