غزہ (نیوزڈیسک) اسرائیلی جارحیت جاری، اسرائیلی قابض فوج نے حماس کے شہید رہنما صالح العاروری کی دو بہنوں کو حراست میں لے لیا ۔فلسطینی حکام نے شہید صالح العاروری کی2 بہنوں کو حراست میں لینے کی تصدیق کردی۔ اسرائیلی ترجمان کا کہنا ہے کہ فوجی اہلکاروں نے مقبوضہ مغربی کنارے سے دو خواتین کو حراست میں لے لیا۔حراست میں لی گئی خواتین پردہشتگردی میں ملوث ہونے کا الزام ہے۔ صالح العاروری کے بہنوئی نے عالمی میڈیا سے گفتگو کرتے ہوئے کہا کہ اسرائیلی حکام نے فیملی کی 2 خواتین سمیت دیگر افراد کو حراست میں لے لیا ۔ اسرائیلی فوج نے رام اللہ کے نزدیک سے دو خواتین کو گرفتار کیا جن میں 52 سالہ دلال العاروری اور 47 سالہ فاطمہ العاروری شامل ہیں۔اسرائیلی فوج نے الزام لگایا العاروری خاندان 7 اکتوبر کو اسرائیل پر ہونے والے حملے کا مددگار ہے جس کے نتیجے میں 1100 سے زائد فلسطینی مارے جاچکے ہیں۔اسرائیل نے حماس کے نائب سربراہ کو 2 جنوری کو بیروت میں ایک ڈرون حملے میں شہید کیا جس کے بعد حماس اور اسرائیل کے درمیان جاری لڑائی میں شدت آگئی۔واضح رہےکہ 7ا کتوبر سے جاری لڑائی میں اب تک 23 ہزار 800 سے زائد فلسطینی شہید ہوگئے ہیں جن میں بچے اور خواتین بھی شامل ہیں۔