دارالسلام(نیوزڈیسک)دنیا کی امیر ترین ریاستوں میں سے ایک برونائی دارالسلام کے سلطان حسن البولقیا کے بیٹے شہزادہ عبدالمتین کی اپنی منگیتر سے شادی ہوگئی۔غیرملکی میڈیا کے مطابق 32 سالہ شہزادہ عبدالمتین اور 29 سالہ ینگ ملیا انیشہ کی شادی کی تقریب دارالحکومت میں ایک سونے کے گنبد والی مسجد (مسجد عمر علی سيف الدين) میں ہوئی۔ ولیمے کی عالیشان تقریب 14 جنوری کو ہوگی جس کے لیے عالمی شخصیات اور سیاسی رہنماؤں کو بھی مدعو کیا گیا ہے۔اس تقریب سے متعلق بتایا گیا ہے کہ یہ ایک عالیشان 1788 کمروں پر مشتمل محل میں ہوگی۔ شادی کی عالیشان تقریبات 10 روز تک جاری رہیں گی۔برونائی دارالسلام کے سلطان حسن البولقیا نے اپنے بیٹے کی منگنی کا اعلان گزشتہ برس اکتوبر میں کیا تھا جبکہ شہزادہ عبدالمتین نے اپنی منگیتر کے ساتھ پہلی مرتبہ تصویر گزشتہ ہفتے شیئر کی تھی۔