اسلام آباد ( اے بی این نیوز   )وزارت مذہبی امور کی انوکھی منطق ، ڈالر کی آڑ میں سرکاری کوٹہ سعودی عرب کو واپسی کی تیاری،سرکاری سکیم کے تحت 21 ہزار سے زائد حج کوٹہ سعودی عرب کو واپس کرنے کی تیاریاں،سرکاری حج سکیم کے تحت ہی درخواست دینے والے سوا 5 ہزار پاکستانیوں کو حج پر نہیں بھجوایا جائے گا،ریگولر حج سکیم کے تحت 5ہزار 6سو33 درخواست دہندہ حج سے محروم رہ جائیں گے،آئندہ برس کیلئے حج قرعہ اندازی میں 5ہزار 633 درخواست دہندہ ناکام قرار پائے تھے،ذرائع کے مطابق سرکاری ریگولر اسکیم کے عازمین حج کو ایڈجسٹ کرنے کی بجائے رقم واپس کر دی گئی،سرکاری سپانسر شپ حج سکیم میں 25 ہزار کے کوٹے پر صرف 4ہزار درخواستیں موصول ہوئیں،21ہزار سے زائد خالی رہ جانے والا کوٹہ سعودی عرب کو واپس کیا جائے گا،سپانسرشپ سکیم میں توقع سے کم ڈالر موصول ہوئے،حکومت ریگولر سکیم کے تحت 5 ہزار 600 عازمین حج کیلئے ڈالر دینے پر تیار نہیں،ریگولر حج سکیم میں 69 ہزار 438 درخواستیں موصول ہوئی تھیں، ریگولر کوٹہ کی قرعہ اندازی میں 63 ہزار 805 خوش نصیب عازمین حج منتخب ہوئے تھے، رہ جانیوالے 5633 درخواست گزاروں کو 10 لاکھ 65 ہزار اور 10 لاکھ 75ہزار روپے واپس کئے گئےآئندہ حج کے ناکام درخواست گزاروں کو مجموعی طور پر 6ارب روپے واپس کئے گئے۔