ریاض(نیوزڈیسک)سعودی عرب کی وزارت صحت نے زیابیطس کے مرض کی آگاہی کی طویل ترین مہم چلا کر ملک کا نام گنیز بک آف ورلڈ ریکارڈ میں شامل کرا لیا۔غیر ملکی خبر رساں ایجنسی کے مطابق سعودی عرب کے وزیر صحت فہد الجالاجیل نے زیابیطس کی طویل ترین آگاہ مہم چلا کر گینز ورلڈ ریکارڈ کا سرٹیفیکیٹ وصول کر لیا۔یہ اعزاز سعودی عرب میں قائم ذیابیطس سینٹر کی طرف سے لوگوں کو مسلسل جمع کر کے انہیں ذیابیطس کے بارے میں آگاہی دینے پر ملا۔سعودی عرب کی وزارت صحت نے اس آگاہی سینٹر میں 752 افراد کو جمع کر کے انہیں ذیابیطس سے متعلق آگاہی اور تعلیم دی گئی، سعودی وزیر صحت نے سینٹر کی کوششوں اور خدمات کو سراہا۔آگاہی سینٹر نے وزارت کی حکمت عملی کے ساتھ مطابقت پیدا کرتے ہوئے اس خطرناک مرض کو کم کرنے کیلئے اپنا کردار ادا کیا، نیز مریضوں کو کم سے کم پیچیدگیوں کے ساتھ علاج بھی فراہم کیا۔اس سلسلے میں تیار کردہ اسکیم کے تحت صحت سے متعلق کوچنگ، کیس کوآرڈینیٹر پروگرام اور مریضوں کو مانیٹر کرنے کے ساتھ ساتھ 123 ارکان پر مشتمل طبی عملے کی جامع تربیت کا اہتمام شامل ہے۔