تل ابیب(نیوزڈیسک)اسرائیلی فوج کے زمینی حملوں کے دوران فلسطینیوں کی قبرستانوں میں قبریں اکھاڑنے کی کارروائیوں میں بہت سی لاشوں کو قبروں سے نکال کر انسانیت سوز رویے کا اظہار کیا جاتا رہا ہے۔ غزہ میں ان لاشوں کو دوبارہ دفنانے کا کام فلسطینیوں نے گزشتہ روز شروع کیا گیا۔غیرملکی خبررساں ادارے کے مطابق التفاح محلے میں اکھاڑی گئی قبروں کی بنائی گئی ویڈیو میں دیکھا جاسکتا ہے کہ جن فلسطینیوں کو اسرائیلی بمباری سے شہید ہونے کے بعد دفنایا گیا تھا ان کی لاشوں کو اسرائیلی فوجیوں نے قبروں سے باہر نکال پھینکا تھا۔ ویڈیو میں دکھایا گیا ہے کہ فلسطینیوں کی لاشیں تھیلوں میں لپٹی ہوئی ہیں اور قبروں سے باہر مٹی کے ٹیلوں پر موجود ہیں۔ان فلسطینیوں کی لاشوں کو جن کو اسرائیلی فوج نے قبروں سے باہر نکال دیا تھا، ان کی تدفین دوبارہ کی جا رہی ہے۔