ڈھاکہ(نیوزڈیسک)بنگلہ دیش کے دارالحکومت ڈھاکہ میں ٹرین میں آتشزدگی سے 4 افراد جاں بحق ہوگئے۔بھارتی ٹی وی کے مطابق ڈھاکہ میٹروپولیٹن پولیس کے نائب سربراہ محی الدین کا کہنا تھا کہ ٹرین میں آگ لگی نہیں بلکہ لگائی گئی ہے۔ دیکھتے ہی دیکھتے آگ نے چار بوگیوں کو لپیٹ میں لے لیا۔پولیس کی ریپڈ ایکشن بٹالین کے سربراہ کھانڈیکر المعین نے بتایا کہ امدادی کارکنوں نے تیزی سے موقع پر پہنچ کر آگ بجھائی۔ ٹرین سروس کچھ دیر کے لیے معطل بھی کرنا پڑی۔پولیس اور انتظامیہ کے افسران کا کہنا تھا کہ کچھ لوگ انتخابی ماحول کو سبوتاژ کرنا چاہتے ہیں۔ عام انتخاب کے حوالے سے لوگوں کو خوفزدہ کیا جارہا ہے۔