روم (نیوزڈیسک) اٹلی حکومت نے اسرائیلی خاتون سفیر بینی کیچاریل کی نامزدگی قبول کرنے سے انکار کر دیا۔ اٹلی حکومت نے اپنے جاری پیغام میں کہا کہ کیچاریل نے مقبوضہ فلسطینی علاقوں میں اسرائیلی بستیوں میں میئر کے طور پر 31 سال تک کام کیا۔ اسناد حاصل کرنے والے اطالوی صدر سرجیو ماتاریلا نے اس نامزدگی سے اتفاق نہیں کیا۔وزیر خارجہ اور نائب وزیر اعظم انتونیو تیانی نے اسرائیلی ہم منصب ایلی کوہن کو بھی ناپسندیدہ نامزدگی بارے خبردار کردیا۔اٹلی میڈیا کے مطابق بینی کیچاریل کی تعیناتی کی منظوری اسرائیلی کابینہ نے دی تھی ۔ٹائمز آف اسرائیل کے مطابق اطالوی حکومت نے واضح کیا کہ یہودی بستیوں کے نمائندوں میں سے کسی ایک کا انتخاب روم کیلئے مناسب نہیں ۔ اس کی وجہ سے “مشکل سفارتی صورتحال” پیدا ہوگئی۔واضح رہے جارجیا میلونی کی قیادت میں موجودہ اطالوی حکومت کو اسرائیل نواز سمجھا جاتا ہے۔ اٹلی نے دیگر 20 سے زیادہ ملکوں کے ساتھ اقوام متحدہ کی پچھلی قرارداد پر ووٹنگ سے حصہ نہیں لیا تھا،۔ اس قرار داد میں غزہ میں انسانی بنیادوں پر جنگ بندی کا مطالبہ کیا گیا تھا۔ بعد میں اطالوی وزیر اعظم جارجیا میلونی نے قرار داد کے متن کی “غیر متوازن” قرار دیا تھا۔