کراچی(نیوز ڈیسک ) قومی کرکٹ ٹیم کے سات ارکان پر مشتمل پہلی کھیپ پیر کو ایک روزہ بین الاقوامی اور ٹی ٹوئنٹی سیریز میں شرکت کے لیے آسٹریلیا روانہ ہوگئی۔سات کھلاڑیوں میں بابر اعظم، شاہین شاہ آفریدی، نسیم شاہ، حارث رؤف اور فیصل اکرم شامل ہیں۔

اس سے قبل اتوار کے روز، محمد رضوان کو 30 سالہ بابر اعظم کی جگہ پاکستان کے نئے وائٹ بال کپتان کے طور پر نامزد کیا گیا تھا، جنہوں نے اس ماہ کے شروع میں اس عہدے پر دوسری مدت کے بعد استعفیٰ دے دیا تھا۔

پاکستان آسٹریلیا کے دورے کا آغاز میلبورن (4 نومبر)، ایڈیلیڈ (8 نومبر) اور پرتھ (10 نومبر) میں تین ایک روزہ بین الاقوامی میچوں کے ساتھ کرے گا۔اس کے بعد برسبین (14 نومبر)، سڈنی (16 نومبر) اور ہوبارٹ (18 نومبر) میں تین ٹی ٹوئنٹی انٹرنیشنل کھیلے جائیں گے۔
مزید پڑھیں: آسٹریلیا کا پاکستان کے خلاف ٹی ٹوئنٹی سیریز کے لیے سکواڈ کا اعلان