راولپنڈی(اے بی این نیوز )لاہور ہائی کورٹ پنڈی بنچ نے شیخ رشید کی حراست کے خلاف درخواست سماعت کے لئے مقرر کردی۔جسٹس صداقت علی خان کل درخواست پر سماعت کرینگے۔شیخ رشید کی جانب سے انکے وکیل ایڈووکیٹ سردار رازق خان پیش ہونگے۔پٹیشن میں وفاقی حکومت، پنجاب۔ حکومت، آئی جی پنجاب، آر پی او اور سی پی او کو فریق بنایا گیا ہے۔ شیخ رشید انکے بھتیجے شیخ شاکر ملازم شیخ عمران اور ڈرائیور کو گزشتہ روز گرفتار کیا گیا تھا۔شیخ رشید کے تاحال کسی عدالت میں پیش نہیں کیا گیا۔شیخ رشید کو غیر قانونی حراست میں رکھا گیا ہے، درخواست میں موقف شیخ رشید کو گرفتار کرکے نامعلوم مقام پر منتقل کیا گیا ہے، پولیس شیخ رشید بارے کوئی معلومات فراہم نہیں کررہی۔
