اسلام آباد(اے بی این نیوز)ایشیائی ترقیاتی بینک نے ایشین ڈیویلپمنٹ آؤٹ لک رپورٹ جاری کر دی۔رپورٹ کے مطابقرواں سال پاکستان کی معاشی شرح نمو میں اضافے کی توقع نہیں ہے،2024 میں پاکستان کی معاشی شرح نمو 2023 کی سطح پر برقرار رہنے کی توقع ہے جنوبی ایشیا کے دیگر ملکوں کے مقابلے پاکستان کو کم ترقی ،زیادہ مہنگائی کا سامنا رہا۔2023 میں سخت مالیاتی پالیسیوں کے باعث پاکستان کی شرح نمو میں کمی ہوئی،۔2023 میں پاکستان میں مہنگائی ہدف سے زیادہ رہی،پاکستان آئی ایم ایف پروگرام کے تحت معاشی اصلاحات جاری رکھے گارپورٹ میں مالی سال 2023 کی طرح 2024 میں بھی معاشی شرح نمو سست رہنے کی پیشکوئی کردی۔ سست معاشی گروتھ کی بڑی وجہ سیلاب، سخت مانیٹری مالیاتی پالیسیاں قرار دی گئی ہے۔اے ڈی بی کے مطابق پاکستان میں گزشتہ سال مہنگائی تخمینے سے زیادہ رہی، اشیاء کی طلب بڑھنے کی وجہ سے بھی مہنگائی میں اضافہ ہوا۔رپورٹ میں مزید کہا گیا ہے کہ بھارت میں شرح نمو 6.7 فیصد اور سری لنکا میں 1.3 فیصد رہنے کا امکان ہے جبکہ سال 2023-24 میں بنگلہ دیش 6.5 فیصد کی شرح سے ترقی کرے گا۔