اسلام آباد(اے بی این نیوز)وزیراعظم پاکستان شہبازشریف کی صدرآزاد ریاست جموں وکشمیر بیرسٹر سلطان محمود کیساتھ ٹیلیفونک رابطہ ، عید کی مبارکباد پیش، وزیراعظم شہبازشریف نے صدر آزادجموں وکشمیر کیلئے خیرسگالی کے جذبات کا اظہار کیا ۔دونوں قائدین نے مقبوضہ جموں وکشمیر میں انسانی حقوق کی خلاف ورزیوں کی مذمت کی ۔دونوں قائدین نے غیرقانونی طورپر بھارت کے زیرقبضہ جموں وکشمیر کے عوام کیساتھ یکجہتی کا اظہار کیا۔دونوں قائدین نے بھارتی ریاستی دہشت گردی کا دلیری اور ثابت قدمی سے مقابلہ کرنے پر بہادر کشمیریوں کو خراج تحسین پیش کیا ۔کشمیریوں کی آزادی تک پاکستان کی جانب سے ہرممکن حمایت کرتے رہیں گے ، وزیراعظم شہبازشریف کی پنجاب، سندھ، خیبرپختونخوا اور بلوچستان کے گورنرز کو ٹیلی فون۔وزیراعظم نے چاروں گورنرز کو عید کی مبارک دی اور نیک تمناﺅں کا اظہار کیا ۔وزیراعظم شہبازشریف کے حکمران اتحاد میں شامل جماعتوں کے قائدین کو بھی ٹیلی فون ،وزیراعظم کی مولانا فضل الرحمن، بلاول بھٹوزرداری، خالد حسین مگسی، ڈاکٹر خالد مقبول صدیقی اور ایمل ولی خان کو ٹیلی فون ،وزیراعظم نے حکمران اتحاد میں شامل جماعتوں کے قائدین کو عید کی مبارک دی اور خیریت دریافت کی ۔وزیراعظم نے اتحادی جماعتوں کے قائدین نے ملکی مجموعی سیاسی ومعاشی صورتحال پر گفتگو کی ۔وزیراعظم نے اتحادی جماعتوں کے قائدین کو آئی ایم ایف کی ایم ڈی سے ہونے والی گفتگو کے بارے میں بھی آگاہ کیا ۔وزیراعظم شہبازشریف کا چئیرمین جوائنٹ چیفس آف سٹاف کمیٹی جنرل ساحرشمشاد مرزا کو ٹیلی فون اور عید کی مبارک ۔وزیراعظم نے مسلح افواج کے پیشہ وارانہ امور اور عسکری تیاریوںسے متعلق امور پر تبادلہ خیال کیا۔
