اسلام آباد(اے بی این نیوز)پاکستان کا بھارتی پارلیمنٹ کی نئی عمارت میں اکھنڈ بھارت دیوار کی تنصیب پر شدید تشویش کا اظہار،ترجمان دفتر خارجہ کا کہنا تھا کہ پاکستان کو بھارتی حکمرانوں کی جانب سے اکھنڈ بھارت کا نظریہ پیش کرنے پر شدید تشویش ہے،نئی دہلی میں بھارتی پارلیمنٹ کی نئی عمارت میں اکھنڈ بھارت دیوار کی تنصیب پر افسوس ہے،بھارتی پارلیمنٹ کی نئی عمارت میں نام نہادقدیم ہندوستان کو دکھایا گیا،بھارتی پارلیمنٹ کی نئی عمارت میں بنی دیوار پر وہ علاقے بھی شامل ہیں جو اب پاکستان اور دیگر ممالک کے حصے ہیں،بی جے پی کے کچھ رہنماؤں کے بیانات پر حیران ہیں،اکھنڈ بھارت کا بے جا دعویٰ ایک نظرثانی اور توسیع پسندانہ ذہنیت کا مظہر ہے،ہندوستان نہ صرف پڑوسی ممالک بلکہ اپنی مذہبی اقلیتوں کی شناخت اور ثقافت کو بھی مسخر کرنا چاہتا ہے،بھارتی رہنماؤں کو مشورہ ہے کہ وہ دوسرے ممالک کے خلاف بیان بازی میں ملوث نہ ہوں،بھارتی سیاسی رہنما اپنے تفرقہ انگیز اور متعصبانہ سیاسی ایجنڈے کے لیے دوسرے ممالک کے خلاف بیان نہ دیں،بھارت تسلط پسندانہ اور توسیع پسندانہ عزائم کو پروان نہ چڑھائے، بھارت کو اپنے پڑوسیوں کے ساتھ تنازعات کو حل کرنا چاہیے،پرامن اور خوشحال جنوبی ایشیا کی تعمیر کے لیے بھارت پڑوسیوں کے لیے اپنا نفرت انگیز اور متعصبانہ رویہ ترک کرے
