اسلام آباد (اے بی این نیوز)امریکا میں ہونے والی ایک طبی تحقیق میں یہ بات سامنے آئی ہے کہ آپ گرم مشروب پینا عادت بنا لیں اس سے عمر کے ساتھ یاد داشت کمزور نہیں ہو تی،اس تحقیق میں 3562 افراد کو شامل کرکے دیکھا گیا تھا کہ زیادہ مقدار میں فلیونولز کے استعمال سے یادداشت پر کیا اثرات مرتب ہوتے ہیں۔نتائج سے معلوم ہوا کہ روزانہ 500 ملی گرام فلیونولز کے استعمال سے بڑھاپے میں عمر بڑھنے سے یادداشت پر مرتب منفی اثرات کو ریورس کرنے میں مدد مل سکتی ہے۔محققین نے بتایا کہ نتائج سے ان شواہد کو تقویت ملتی ہے کہ ہمارے معمر ہوتے ذہن کو مختلف غذائی اجزا کی ضرورت ہوتی ہے۔تحقیق کے مطابق آغاز میں جن افراد کی غذا میں فلیونولز کی مقدار کم تھی، انہیں اس غذائی جز کا زیادہ استعمال کرایا گیا تو یادداشت کے ٹیسٹوں میں ان کا اسکور اوسطاً 10.5 فیصد بڑھ گیا۔
اس تحقیق کے نتائج جرنل دی پروسیڈنگز آف دی نیشنل اکیڈمی آف سائنسز میں شائع ہوئے۔حال ہی میں امریکن جرنل آف کلینیکل نیوٹریشن میں شائع تحقیق میں بتایا گیا تھا کہ جوانی یا درمیانی عمر میں فلیونولز سے بھرپور غذاؤں کا استعمال عادت بنانے سے بڑھاپے میں جسمانی مضبوطی کو مستحکم رکھنا ممکن ہوتا ہے۔کولمبیا یونیورسٹی کی تحقیق میں بتایا گیا کہ فلیونولز نامی اینٹی آکسائیڈنٹ مرکبات سے بھرپور غذا کا استعمال یادداشت کی کمزوری کا امکان کم کرتا ہے۔