اسلا م آ باد(نیوز ڈیسک)ملک گیرانسداد پولیو مہم کا آغاز15 مئی سے کیا جائے گا۔خیبرپختونخوا،پنجاب ، سندھ اور بلوچستان کے71اضلاع میں22ملین سےزائد بچوں کو پولیو ویکسین کے قطرے پلائے جائیں گے۔پانچ روزہ انسداد پولیو مہم میں خیبر پختونخوا کے 11 اضلاع میں مکمل طورپرجبکہ 11 اضلاع میں افغان پناہ گزین کیمپس میں چلائی جائے گی۔پنجاب کے 12 اضلاع اور اسلام آباد میں1کروڑ 12لاکھ 81ہزار318بچوں کوپولیو سے بچاوکے قطرے پلائے جائیں گے۔ سندھ کے 17 اضلاع میں 61 لاکھ 74 ہزار 456 بچوں کی پولیو ویکسی نیشن ہوگی۔بلوچستان کے19 اضلاع میں 17 لاکھ 66 ہزار992بچوں کی پولیو ویکسین اور قطرے پلائے جائیں گے۔محکمہ صحت نے والدین پرزور دیا کہ وہ اس بات کو یقینی بنائیں کہ ان کے بچوں کو زندگی بچانے والی پولیو ویکسین لگائی جائے تاکہ وہ پولیو وائرس سے محفوظ رہیں۔کیونکہ فیصلہ آج کرنا ہے۔اگرکل بچّے کو چلنا ہے۔