اسلام آباد ( اے بی این نیوز )عمران خان کی گرفتاری کے خلاف ملک گیر احتجاج شروع،کراچی،پنجاب سمیت ملک بھر کے عوام سڑکوں پر نکل آئے،روڈز کو بلاک کر دیا گیا ہے،حکومت کے خلاف مظاہرین کے نعرے،راولپنڈی میں بھی احتجاج،شہریوں نے ترنول چوک بند کر دیامظاہرین عمران خان کی گرفتاری کے خلاف نعرے بازی کر رہے ہیں۔مظاہرے کی عامر مغل مظاہرے کی قیادت کررہے ہیںمظاہرین نے ٹائر جلا کر چوک بند کررکھا ہےعامر مغل کے ساتھ فرزند شاہ، قاضی تنویر، توقیر شاہ، راجہ فیصل، رفیع افریدی، مبشر عباسی، عاصم ستی، سیداللۀ شاہ اور دیگر کررہے ہیںمظاہرین امپورٹڈ حکومت مردہ باد کے نعرے لگا رہے ہیں،مری میں بھی احتجاج کیا جارہا ہے جس کی قیادت صداقت عباسی کر رہے ہیں۔لاہور میں سابق وزیراعظم عمران خان کی گرفتاری کیلئے زمان پارک پر پولیس کے چھاپے کیخلاف پی ٹی آئی کے کارکنوں نے ملک بھر میں شدید ردعمل کا اظہار کیا ہے۔تحریک انصاف کے کارکنوں نے کراچی میں مختلف مقامقات پر شدید احتجاج کرتے ہوئے حکومت کیخلاف شدید نعرے بازی کی اور ٹریفک بلاک کردیا جس کے باعث شہریوں کو شدید مشکلات کا سامنا کرنا پڑا۔داؤد چورنگی، کیماڑی، لیاری نیٹی جیٹی، حب ریور روڈ، باچاخان چوک بنارس پر کارکنوں کی جانب سے احتجاج کیا جارہا ہے۔ شام کے اوقات میں دفاتر سے نکلنے والے شہری سڑکوں پر خوار ہوتے رہے۔ضلع سینٹرل میں بورڈ آفس، 4 کے چورنگی، ضلع شرقی میں راشد منہاس روڈ، سہراب گوٹھ اور ضلع ساؤتھ میں شاہین کمپلیکس، تین تلوار پر احتجاج کیا جارہا ہے۔پشاور میں پی ٹی آئی کارکنوں نے پریس کلب کے سامنے جمع ہوکر احتجاج کیا بعد ازاں اسمبلی چور کی طرف روانہ ہوگئے۔عمران خان کی رہائش گاہ پر پولیس ایکشن کے خلاف مری میں سابق ایم این اے صداقت عباسی کی قیادت میں جی پی او چوک پر احتجاج کیا گیا، پی ٹی آئی مظاہرین نے ٹائر جلا کر مرکزی شاہراہ بند کردی۔احتجاج کے باعث راولپنڈی مری ایکسپریس ہائی وے سے آنے والی ٹریفک بلاک ہوگئی، مری جانے والے سیاحوں کو مشکلات کا سامنا ہےگوجرانوالہ میں پی ٹی آئی کی مقامی قیادت نے کارکنوں کو احتجاج کیلئے گوندلانوالہ چوک پہنچنے کی ہدایت کردی۔ لکی مروت میں پی ٹی آئی کارکنان نے انڈس ہائی وے کو گنڈی چوک پر بند کر دیا۔
